22.07.2022 · Uttanríkis- og vinnumálaráðið

13 umsóknir fingu miðlaverkætlanarstuðul

13 umsóknir fingu miðlaverkætlanarstuðul

Miðlastuðulsnevndin hevur játtað stuðul til 13 miðlaverkætlanir.

Hetta er fyrstu ferð, at miðlastuðul verður veittur sum verkætlanarstuðul.

Tilsamans komu 56 umsóknir inn.

Umsóknirnar vóru mettar út frá journalistiskari dygd og samfelagsligum virði. Bara miðlar, sum hava eina redaktión, sum fevna um eitt breitt evnisøki og sum hava ein regluligan tíðindastreym, kunnu søkja um miðlastuðul. Ítøkiliga hugdi miðlastuðulsnevndin at trimum parametrum í viðgerðini: innihaldi/hugskoti, kostnaði og útbúgving/royndum hjá viðkomandi journalisti ella toymi.

Tær flestu av verkætlanunum byrja komandi hálvár. Mannagongdin er tann, at helvtin av upphæddini, sum er játtað, verður goldin, tá ið verkætlanin byrjar. Hin helvtin verður rindað, tá ið framleiðslan er liðug.

Av játtanini á 1,4 mió. kr., sum eru settar av til verkætlanarstuðul, verður beint undir 1,1 mió. kr. brúkt til tær 13 umsóknirnar (sí talvu niðanfyri). Góðar 300.000 kr. eru eftir á verkætlanarstuðulsjáttanini fyri 2022. Hesar vera veittar út eftir nýtt stuðulsumfar í heyst.

Umframt játtan á 1,4 mió. kr. til verkætlanarstuðul eru framvegis 600.000 kr., ið verða latnar sum rakstrarstuðul, grundað á lønarútreiðslur fyri undanfarna roknskaparár. Umsóknir til henda partin verða eisini viðgjørdar í heyst.

Hesar verkætlanir fingu stuðul hesaferð:

Heitið

Miðil

Upphædd

Aktuelt

Dimmalætting

79.779,40 kr.

Aling fyri havnafólk

Dimmalætting

74.761,54 kr.

Fiskur fyri havnafólk

Dimmalætting

74.761,54 kr.

Knarrið

Dimmalætting

242.903,85 kr.

Ung listafólk

Dimmalætting

70.915,40 kr.

Uttanfyri sitat

Dimmalætting

44.322,13 kr.

Vísund

Dimmalætting

79.779,40 kr.

Prestar og kirkjur

FM1

60.000,00 kr.

Politiskt tilfar

Knassar

70.000,00 kr.

Sjónvarp á netinum

Sosialurin

49.920,00 kr.

Skapanarverk

Sosialurin

76.000,00 kr.

Tilflytarar

Sosialurin

60.000,00 kr.

Ummæli

Sosialurin

97.500,00 kr.

Tilsamans

 

1.080.643,26 kr.