COVID-19

COVID-19 krøv við innferð til Bretlands eru í løtuni tey somu, um ferðast verður til Ongland, Skotland, Wales ella Norður Írland. Her er kunning hjá bretsku myndugleikunum fyri Ongland, skotskum myndugleikunumwalisisku myndugleikunum, og norður írsku myndugleikunum.

Um tú ert fult koppsett/ur so eru hesi krøvini galdandi fram til 11. februar 2022:

  • tak eina COVID-19 test í fyrsta lagi 48 tímar áðrenn fráferð
  • bóka og gjald fyri eina COVID-19 2. dag test (LFD ella PCR). Testin skal vera bókað hjá einum veitara á góðkenda listanum hjá bretsku stjórniniog skal takast fram til 2. dag eftir komu

Legg til merkis, at hetta skal avgreiðast undan fráferð.

Krøv galdandi frá 11. februar:

Frá 11. februar er ikki longur neyðugt at lata seg kanna, hvørki áðrenn ella eftir ferðina til Bretlands. Tó verður framvegis krav um at útfylla passenger locator form áðrenn fráferð.

Tað er umráðandi, at ferðafólk kunnu prógva at tey eru fult koppsett. Føroyska koronapassið er góðkent prógv hjá bretsku myndugleikunum.

Mælt verður framvegis til at brúka masku, tá ferðast verður við samferðslu. Tó verða maskur ikki longu kravdar í handlum og á øðrum almennum plássum.

Verður ferðast beinleiðis úr Føroyum til Bretlands við skipi ella báti, eru omanfyrinevndu krøv eisini galdandi um tú ert fult koppsett/ur. Tað kann vera viðkomandi at seta seg í samband við havnarskrivstovuna á staðnum viðvíkjandi spurningum og ivamálum.

Um tú ikki ert fult koppsett/ur eru hesi krøvini galdandi:

  • tak eina COVID-19 test – í fyrsta lagi 2 dagar undan fráferð
  • bóka og gjald fyri COVID-19 2. dag test og 8. dag test – skulu takast 2. og 8. dag eftir komu
  • útfyll ein passenger locator form – skal útfyllast í fyrsta lagi 48 tímar áðrenn fráferð
  • 10 daga sóttarhald eftir komu til Bretlands

Frá 11. februar verður ikki longur kravt 10-daga sóttarhald og bert ein COVID test skal bíleggjast at taka eftir komu.

Undan fráferð er neyðugt at vísa COVID-19 átøkum og reglum á staðnum ans. Nágreinandi kunning hesum viðvíkjandi er at finna fyri OnglandSkotlandWales, og Norður Írland.

Ferðing úr Bretlandi til Føroya:

Undan fráferð úr Bretlandi til Føroyar er somuleiðis neyðugt at vísa bæði føroyskum COVID-19 átøkum og reglum og almennu ferðavegleiðingunum hjá donsku myndugleikunum ans. Legg til merkis, at ymisk krøv eru galdandi alt eftir um tú ert liðugt koppsett/ur, um tú áður ert smittað/ur ella ferðast við negativari COVID-19 test. Danmark krevur framvegis negativa test áðrenn fráferð hjá øllum ferðandi, eisini koppsettum, ið ikki eru danskir ríkisborgarar ella fastbúgvandi.

Frá 1. februar verða ferðandi ikki longu kannað við komu til Føroya. Mælt verður tó framvegis til, at øll ferðafólk lata seg testa 2. dag eftir komu.