Menningardepilin

Umsókn um íverksetarapláss, tykisskrivstovu ella skrivstovu kann sendast til copenhagen@ummr.fo 

Menningardepil á Sendistovuni
Í tøttum samstarvi við føroyskar vinnuframaskipanir bjóðar Sendistovan nú skrivstovu- og fundarhøli.

Møguleiki er hjá íverksetarafyritøkum at leiga arbeiðspláss og atgongd til fundar- og móttøkuhøli á einari av bestu adressunum í Keypmannahavn fyri lagaligar treytir.

Tá ið fyritøkan búnast, hækkar gjaldið, men vit kunnu framhaldandi bjóða høli, adressu og bestu karmar fyri kappingarførar prísir.

Menningardepilin á Sendistovu Føroya í Keypmannahavn er skipaður í samstarvi millum Sendistovuna, Vinnuframa, Framtak, Íverksetarahúsið og Hugskotið.

Ráðgeving
Umboð fyri føroysku vinnuframaskipanina eru fús at veita íverksetarum í deplinum ráð og vegleiðing.

Ráðgevararnir eru sum oftast staddir í Føroyum, men kunnu ráðgeva umvegis telefon ella Skype.

Karmar og tænastur

Trýst á myndina fyri at taka niður talvuna sum pdf-skjal

Umhvørvið

Menningardepilin hevur eina lítla og eina størri skrivstovu, sum verða skipaðar sum felags skrivstovur fyri íverkstararnar í deplinum.

Eisini eru størri fundar- og móttøkuhøli, ið kunnu bíleggjast eftir tørvi.

	Minna skrivstovan er hóskandi til einstaklingar ella til smærri toymi
	Størra skrivstovan verður innrættað við felags arbeiðsøki til 4-6 fólk og fundarborði til 4 fólk.
	Fundarhøli til 24 fólk
	Høli til fundir og móttøkur. Her rúmast upp til uml. 50 fólk til móttøkur

Sendistovan er á Norðuratlantsbryggjuni, beint yvir av Nyhavnini, Strandgade 91, 4. hædd, 1401 Keypmannahavn K.