Hvørjar møguleikar og avbjóðingar kann Brexit fáa fyri Føroyar?

Brexit ber við sær, at Føroyar og Bretland mugu gera nýggjar avtalur serliga um handilssamstarv og fiskivinnusamstarv men eisini innan útbúgving, gransking og sosial rættindi.

Nú Bretland fer at standa uttanfyri ES-samstarvið, fer fokus at verða meira norðureftir, og tað kann hugsast at skapa gróðarlíkindi fyri breiðum samstarvi við grannatjóðirnar.  

Landsstýrið hevur arbeitt miðvíst við at tryggja framtíðar samstarv við Bretland. Beinanvegin eftir fólkaatkvøðuna í 2016 setti landsstýrið ein bólk at fylgja við og arbeiða við brexit. Í bólkinum eru umboð úr Løgmansskrivstovuni, Fíggjarmálaráðnum, Fiskimálaráðnum, Uttanríkis- og vinnumálaráðnum, Mentamálaráðnum og sendistovum Føroya í Brýssel og London. Uttanríkis- og vinnumálaráðið leiðir arbeiði.

 

Samband fæst við Brexit bólkin við at venda sær til Hallu Nolsøe Poulsen, hallap@uvmr.fo tlf. 556075.