Námsætlanir til føroyska skúlaverkið

Nýggjar námsætlanir til fólkaskúlan vórðu settar í verk frá 1. august 2011. Samstundis varð nýggjur próvtalsstigi settur í verk fyri føroyska útbúgvingarverkið, sonevndi 7-talsstigin.

Nýggjar námsætlanir til gymnasialu breytaskipanina og yrkisnám vórðu settar í verk frá 1. august 2013. Hetta hendi samstundis sum studentaskúlaskipanin varð avloyst av gymnasialu breytaskipanini, so sum vit kenna hana í dag við náttúrubreyt, hugbreyt, búskaparbreyt, tøknibreyt, tilfeingisbreyt og fyrireikingarbreyt.

Námsætlanir til fólkaskúlan, gymnasialu miðnámsskúlaskipanina og yrkisnám verða tøkar her á heimasíðuni hjá Mentamálaráðnum.

Arbeitt verður í løtuni við at flyta allar námsætlanir av heimasíðuni namsaetlanir.net yvir á heimasíðuna hjá Mentamálaráðnum, www.mmr.fo.

Meðan hetta arbeiði fer fram eru allar námsætlanir, eins og higartil, tøkar á namsaetlanir.fo.