Børn og ung

Mentan og list eru fyri øll, eisini fyri børnini og tey ungu.

Uttanríkis- og mentamálaráðið heldur, at tað skal standa øllum børnum og ungum í boði at uppliva mentan og list á høgum støði, og at børn og ung eisini sjálv skulu kunna taka lut í skapandi virksemi.

Listaleypurin er ein slóðbrótandi skipan, ið hevur virkað í Føroyum síðan 2008. Tað eru Norðurlandahúsið, kommunurnar og Uttanríkis- og mentamálaráðið, ið standa saman um verkætlanina, ið tryggjar, børnum og ungum møguleikan at uppliva yrkislist innan skúlagátt. Fyrimyndin er norska verkætlanin Den kulturelle skolesekken. Les meir um Listaleypin her.

Tónleikafrálæra og ljóðførisundirvísing eru høvuðstættir í mentanartilboðunum til børn og ung. Musikkskúlaskipanin mennir og samskipar musikkskúlaundirvísingina kring landið. Les um Musikkskúlaskipanina her.

Partur av mentanarpolitikki landsins er at lata stuðul til barna- og ungdómsarbeiði. Til hetta endamál verða veddingarpengarnir brúktir. Les meir um stuðulin til barna- og ungdómsarbeiði her.